قصيدة لسه باقى فى قلبى ثورة للشاعر هيثم دبور

لسه باقى فى قلبى ثورة

مد كاسك

نقتسم بيننا اللى فاضل

نرتوى قبل المقاصل

حدها يقطع رقابنا

حتى سياف اللى قاتل

اتهمنا بالخيانة

اللى فوق الكف روحهم لما طلعوا

مين سوانا؟!

واللى نار كرباجه لسه فوق ضهورنا

ليه كوانا

لسه باقى فى قلبى ثورة

جذوة قايدة

شدها واشعل فتيلك

القصاص فرض لقتيلك

موت عشانه

كن قتيله

الوطن مستنى حضنه ليه يجيلك

روح له إنتا

روح له وانتا

لسه باقى فى قلب قلبك..

زى قلبى..

حاجة بنسميها ثورة