قصيدة شريط اخبار للشاعر محمد السيد

شريط اخبار
اسامى اصحابى بتعدى قصاد عينى
مابين مجروح وبين ومقتول
ولسه الصورة قدامنا
شوارع فاتحة ع الجنة
وشهدا رافضة تستنى
ساعدها الفاعل المجهول ومش مجهول
وصرح حضرة المسئول
بان رصاصته مش ليهم
دى كانت طالعة تحميهم
ومش مقصودة فى المليان
ده فرق نشان
وبالغ اسفى للشهدا واهاليهم
خبر عاجل
شريط اخبار بيتغير على الشاشة
قضاء عادل
افادت كل مصادرنا
براءة كل من يحمل لقب باشا