قصيدة ثورة تاني للشاعر هيثم دبور

ثورة تاني ثورة تالت/
ثور معايا عياري فالت/
واجه الكلمة اللي قالت/
رقصنا مع بعض عورة/
نور نهارهم ليلة غبرة/
كدبهم سموه مناورة/
لجل ما أتكمم بخوفنا/
أو نباعد بين كتوفنا/
أو منتهجاش حروفنا/
اللي كاتبين بيها ثورة/

ثورة تاني ثورة تالت/
ثور معايا الخلق ماتت/
ثور كما المرة اللي فاتت/
قبل ما يسمونا قلة/
أو ينسونا المحاولة/
مين يبتعمم له دولة/
ويبقى داخل فيها جنة/
قوم معايا رخص تمننا/
كيف هنتباهى بولادنا/
وهم مش وارثين لثورة/
ثورة تاني ثورة تالت/
ثور معايا العدلة مالت/
دي العيون م الدمع سالت/
بس من غير غاز ماليها/
م الجهالة واللي فيها/
الصكوك فين أشتريها/
لجل ما أتطهر في عينهم/
أو نباح من تابعينهم/
اللي ماتوا الله يعينهم/
واحنا هنموت لجل ثورة/
ثورة تاني ثورة تالت